„Síðan við settum upp CO2 áburðarlausn Linde (fyrrum ÍSAGA) á síðasta ári eru tómatplönturnar okkar sterkari og heilbrigðari og gefa af sér stærri, bústnari og sætari tómata. Viðskiptavinir hafa haft orð á því hversu gómsætir þeir eru,“ segir framkvæmdastjóri Vikentomater, Mats Olofsson.
Koltvísýringsáburðurinn er fyrsta flokks landbúnaðarlausn sem má nota til að auka vöxt gúrkna, tómata og salats. Þó að venjulegt loft sé með koltvísýringsþéttni upp á u.þ.b. 400 ppm, sýna rannsóknir að flestum plöntum farnist betur í umhverfi þar sem koltvísýringsþéttni sé á milli 600 og 1.000 ppm. Viðbótarkoltvísýringur er sérstaklega mikilvægur þegar gervilýsing er notuð, þar sem lítil þéttni af koltvísýringi getur valdið því að vöxtur hætti, sem lágmarkar þannig áhrif gervilýsingar.
Þegar koltvísýringi er bætt við andrúmsloftið í gróðurhúsum, eykur það ljóstillífun plantnanna, sem gefur af sér sterkara heilbrigðara grænmeti, og sýnt hefur verið fram á að uppskera geti aukist um allt að 25-30 prósent. Ennfremur, verður næringargjöf með koltvísýringi til þess að uppskerur koma fyrr og bætir einnig hæfileika plantna til að standast sjúkdóma og meindýr.
Áður brenndi Vikentomater jarðgas til að fá viðbótar koltvísýringinn sem þau þurftu í gróðurhúsið. En síðan þau settu upp nýju lausnina frá Linde (fyrrum ÍSAGA) hafa þau getað dælt þrisvar sinnum meiri koltvísýringi inn í gróðurhúsið með markvert minni áhrifum á umhverfið.
Vikentomater er einn u.þ.b. 20 tómataræktenda í Suður-Svíþjóð sem hafa fjárfest í CO2 áburðarlausn Linde (fyrrum ÍSAGA). Sölumaður Linde (fyrrum ÍSAGA) sem stendur bak við þessa sögu er Thomas B Carlsson.
„Lausnin byggist á CO2 tanki og úðara sem er notaður til að dæla réttu magni af CO2 inn í gróðurhúsið. Til þess að tryggja hámarks ávinning fyrir tómatplönturnar, notuðum við líka kuldann frá eiminum til að draga úr hitanum í kyndiherberginu,“ útskýrir Carlsson, og bætir við að hann hafi verið í sambandi við Vikentomater í þó nokkur ár áður en Mats Olofsson hafi loksins samþykkt að fjárfesta í lausninni.
„Í sannleika sagt trúði ég ekki að tölurnar sem Linde (fyrrum ÍSAGA) sýndi mér gætu verið réttir,“ viðurkennir Olofsson. „Þetta hljómaði of gott til að vera satt.“
2017, eftir uppsetningu CO2 lausnar Linde (fyrrum ÍSAGA), tókst Vikentomater að afhenda 20 tonnum meira af tómötum heldur en árið áður sem er uppskeruaukning upp á u.þ.b. tíu prósent.
„Þetta var þrátt fyrir að við settum tómatana niður tveimur vikum seinna út af lélegum veðuraðstæðum. Síðasta ár var eitt versta ár sem um getur í Svíþjóð þegar kemur að sólskinsstundum – þáttur sem myndi venjulega hafa mjög neikvæð áhrif á uppskeru okkar,“ heldur Olofsson áfram. „En, þökk sé CO2 lausn Linde (fyrrum ÍSAGA), voru tölurnar jákvæðar frekar en neikvæðar hjá okkur.“
Síðasta ár var gott ár hjá Vikentomater og Olofsson er jafnvel vonbetri fyrir 2018.
„Allt veltur þetta á veðurguðunum,“ segir hann. „Ef þetta ár verður sólríkt er ég fullviss um að uppskeran verði jafnvel betri.“