Þjónusta - Almenn ákvæði um afhendingu á gasi
1. Almenn ákvæði
Samningurinn gildir þegar samningsaðilar hafa komið sér saman um ákvæðin skriflega eða á annan hátt. Frávik frá ákvæðunum skulu vera skrifleg. Upplýsingar í vörulýsingu, verðlista eða gefnar upplýsingar eru bindandi en þó einungis ef til þess er vísað í samningi.
2. Skilgreiningar
Gas á hylki er lofttegund sem er geymd undir þrýstingi í þar til gerðum umbúðum, hylki.
Gas á fljótandi formi er niðurkæld lofttegund sem er fljótandi við andrúmsloftsþrýsting eða undir þrýstingi. Dæmi um slíkar lofttegundir er fljótandi argon, nitur, súrefni og koldíoxíð.
Umbúðir eru umbúnaður til geymslu og flutnings á gasi s.s. gashylki, hylkjabúnt, hylkjagrindur, kerrur, baukar, pallettutankar og flutningstankar.
Gasstöð er staðbundin tækjabúnaður hjá kaupanda til framleiðslu, síunar, geymslu og/eða dreifingar á gasi s.s. staðbundinn tankur eða gasblandari.
Útbúnaður eru umbúðir, gasstöð eða annar útbúnaður sem Linde Gas útvegar til að uppfylla skyldur sínar í samræmi við gerðan samning við kaupanda.
3. Magn
Þrýstingur gass í hylki er gefin upp miðað við +15°C hita. Uppgefið gasrúmmál fyrir gas undir þrýstingi er samsett af innra rúmmáli hylkis, innihaldsþrýstingi og eðli gass.
Magn gastegundar sem er á fljótandi formi undir þrýstingi eða leyst upp í vökva eins og acetylen, er ákveðið með vigtun.
Gastegundir á fljótandi formi eru vigtaðar eða mældar samkvæmt rúmmáli fljótandi fasans. Magnið er gefið upp í kílógrömmum (kg) samkvæmt vigt eða lítrum (L) af fljótandi vökva eða sem rúmmál (m³) gasformsins við +15°C og 98,07 kPa (0,9807 bar). Umreiknistuðlar eru gefnir af Linde Gas.
4. Hreinleiki
Afhent gas skulu uppfylla gæðalýsingar Linde Gas. Linde Gas gefur kaupanda upplýsingar um hreinleika og forskriftir gastegunda. Ef þess er óskað og um það samið þá skal Linde Gas tryggja rekjanleika gastegunda og láta fylgja gæðavottorð og/eða efnagreiningavottorð.
5. Afhendingarskilmálar
Gas á hylkjum og fljótandi gas í réttum umbúðum er selt án flutningskostnaðar eða afhent á útsölustað eða hjá umboðsaðila Linde Gas. Samkvæmt beiðni eða samningi getur Linde Gas afhent kaupanda vöru þar sem hann óskar, gegn gjaldi.
Afhendingarstaður fyrir gas á fljótandi formi er staðsetning gasstöðvarinnar eða tenging við hana (loki, flans eða tilsvarandi), nema annað sé um samið. Ef gasstöðvar eða umbúðir eru í eigu kaupanda eða ef kaupandi hefur ákveðinn útbúnað þar sem fljótandi gas er í hringrás, þá er afhendingarstaður tengingin við gasstöðina eða umbúðirnar.
6. Móttaka
Kaupandi skal á lóð sinni eða þeim stað sem hann hefur til umráða til móttöku á gasi, halda svæðinu lausu við hindranir, hafa gott aðgengi og nothæfan veg svo flutningabílar komist að auðveldlega og óhindrað. Þetta gildir alla daga og allan sólarhringinn hjá kaupendum með gasstöð en fyrir kaupendur af annari vöru gildir ákvæðið á vinnutíma eða þegar afgreiðsla kaupanda er opin.
Ef kaupandi getur ekki staðið við þessi ákvæði þannig að samningsbundin afgreiðsla geti ekki farið fram þó ekki vegna undantekningar í lið 14, hefur Linde Gas rétt á að innheimta gjald fyrir biðtíma og vegna annars kostnaðar sem af því hlýst.
Kaupandi og flutningsaðili Linde Gas skulu athuga magntölur sendingar samkvæmt reikningi eða magntölur áfyllingar og undirrita reikning eða útprentun áfyllingar. Kaupandi eða fulltrúi hans skal vera á staðnum til að taka við vörum eða þegar fyllt er á tanka. Frávik frá þessu skal skrá á reikning eða útprentun. Ef kaupandi er til staðar við afhendingu skal flutningsaðili Linde Gas athuga hvort vara, áfylling og magn er rétt. Flutningsaðili Linde Gas skal koma boðum til kaupanda að afhending hafi farið fram. Boð til kaupanda geta verið skrifleg boð sem sett eru í póstkassa kaupanda á staðnum. Geri kaupandi ekki athugasemdir við innsend skilaboð túlkast afhending vera rétt.
7. Áfylling
Þegar gas er áfyllt á hylki eða gasstöð í eigu kaupanda hefur Linde Gas rétt á taka sér gjald fyrir óhagræði sem skapast vegna þessa.
Áfylling af gasi á hylki eða í gasstöð í eigu kaupanda skulu uppfylla allar öryggiskröfur sem settar eru af yfirvöldum og Linde Gas.
8. Merkingar
Linde Gas hefur rétt á að merkja útbúnað sinn með eigin merkingum og vörumerki. Kaupandi hefur ekki rétt á fjarlægja eða breyta merkingum án skriflegs leyfis Linde Gas.
9. Öryggi, meðhöndlun og eftirlit
Kaupandi skal fylgja ákvæðum yfirvalda og reglum Linde Gas við flutninga, geymslu og not á afhentu gasi og við eftirlit með útbúnaði. Kaupandi skal geyma og umgangast útbúnað af varfærni. Kaupandi skal standa straum af kostnaði ef búnaður týnist eða eyðileggst sem ekki er tryggður af Linde Gas, þegar hann er í umsjón kaupanda. Kaupandi skal upplýsa Linde Gas án tafar ef einhver bilun verður á útbúnaði. Kaupandi skal grípa til allra nauðsynlegra aðgerða til minnka skaða sem kann verða vegna bilunar á útbúnaði. Þegar búnaður er settur upp eða fjarlægður og einnig við afhendingu á gasi, skal Linde Gas fylgja útgefnum reglum til að tryggja heilsu, umhverfi og öryggi.
Hylkjum og búntum skal skila til Linde Gas með yfirþrýstingi, afgangsþrýstingi. Kaupandi getur ekki fengið greitt til baka afgangsþrýsting á hylki eða búnti.
10. Verð og greiðsluskilmálar
Ef ekki er annað um samið gilda verðlistar og almennir greiðsluskilmálar Linde Gas. Í þeim kemur einnig fram greiðslufrestur, gjalddagi og eindagi. Greiðist reikningur eftir eindaga reiknast innheimtukostnaður og dráttarvextir eftir reglum viðskiptabanka Linde Gas.
Linde Gas ehf áskilur sér rétt til að senda rafræna reikninga og rafræn innheimtuskjöl, m.a. en ekki tæmandi, innheimtuviðvörun á netfang viðskiptavina.
11. Skortur - vanefndir
Ef vantar upp á samningsbundna afhendingu á gasi skal Linde Gas svo fljótt sem auðið er afhenda það sem upp á vantar án frekari kostnaðar fyrir kaupanda. Hafi Linde Gas verið greitt fyrir flutning skal Linde Gas kosta seinni flutninga á umsömdu magni.
Hafi Linde Gas ekki afhent kaupanda gas samkvæmt samningi innan tíu daga frá því að kaupandi sendi skriflega kvörtun, hefur kaupandi rétt á að segja upp samningi vegna vanefnda.
12. Kvörtun
Ef um vanefndir er að ræða af Linde Gas hálfu þar sem vantar upp á afhent magn af gasi, skal kaupandi senda Linde Gas kvörtun vegna þessa þegar kaupandi verður var við vanefndirnar eða á að verða var við vanefndirnar. Í kvörtuninni skal koma fram hvað vantar í afhendinguna.
Geri kaupandi ekki kvörtun innan árs (1 ár) frá afhendingu eða frá því að afhending átti að hafa farið fram, missir hann rétt á að gera kröfu á Linde Gas vegna ætlaðra vanefnda. Kvarti kaupandi vegna ónógs magns í afhendingu og það komi síðar í ljós að ekki hafi vantað í afhendinguna eða að Linde Gas beri ekki ábyrgð af vöntuninni, hefur Linde Gas rétt á greiðslu vegna kostnaðar sem af óþarfa kvörtun hlýst..
13. Ábyrgð
Kaupandi getur ekki yfirfært ábyrgð Linde Gas vegna vöru og samnings milli þeirra, til þriðja aðila eða skaða sem þriðji aðili kann að verða fyrir.
ÍSAGr ekki ábyrgð á tapi eða skaða sem afhent gas eða tæki kann að orsaka
a) á föstum eigum eða lausamunum eða þeim skaða eða tapi sem af því leiðir ef skaðinn eða tapið verði til þegar gasið eða tæki eru í umsjón kaupanda eða
b) á framleiðsluvöru kaupanda eða þar sem framleiðsla kaupanda er hluti af framleiðsluvöru eða þeim skaða eða tapi á eignum sem framleiðslan orsakar vegna eiginleika afhents gass eða tækja.
Nefndar þrengingar á ábyrgð Linde Gas gilda ekki ef Linde Gas hefur valdið skaða eða tapi vegna vítaverðs gáleysis.
Setji þriðji aðlili fram kröfur á Linde Gas eða kaupanda um bætur vegna tjóns eða taps samkvæmt framansögðu skal hinn aðili samnings upplýstur um framlagða kröfu.
Linde Gas og kaupandi skuldbinda sig að taka mál til varnar vegna krafna um bætur í þeim héraðsdómi sem um getur í samningi milli þeirra eða í samræmi við lið 20.
14. Force majeure
Hvorugur aðili er skaðabótaskyldur gagnvart hinum aðilanum vegna tjóns sem verður vegna óviðráðanlegra utanaðkomandi atburða. Þetta á m.a. við um inngrip frá yfirvöldum, verkföll, óeirðir, orkuskort, banns, framleiðsluhindrana, hrávöruskorts, vélabilana, samgönguhindrana, síma og samskiptaleysis, seinkun afhendingar af þriðja aðila, styrjalda og náttúruhamfara. Sá aðili sem lendir í vanskilum vegna slíkra atburða skal ekki krefja hinn aðilann skaðbóta sem hlýst af óviðráðnlegum utanaðkomandi atburðum. Aðilar eru ekki skaðabótaskyldir vegna óviðráðanlegra utanaðkomandi atburða vegna þess að þegar samningar voru undirritaðir gátu aðilar ekki ætlað að atburður myndi eiga sér stað.
Verði aðili fyrir óviðráðanlegum utanaðkomandi atburði skal hann tilkynna það samningsaðila skriflega eins fljótt og auðið er og einnig þegar atburður er yfirstaðinn.
Vari atburður lengur en sex (6) mánuði og óháð því hvort skaði verði af nefndum atburðum, hefur hvor aðili rétt á að segja upp gerðum samningi.
15. Seinkun
Ef seinkun verður á afhendingu Linde Gas vegna annara atburða en getið er um í lið 14 hefur kaupandi rétt á skaðbótum vegna seinkunar á afhendingu. Skaðabætur vegna seinkunar frá Linde Gas er 0,5% af umsömdu verði seinkaðrar vöru fyrir hverja heila viku sem kaupandi verður af vörunni að hámarki 7,5% af umsömdu verði. Ef hluti af vörunni seinkar skulu skaðabætur miðast við það hlutfall vörunnar sem seinkaði.
16. Þrenging ábyrgðar
Linde Gas ber ekki ábyrgð af öðru en því sem nefnt er í samningi. Þetta gildir um reiknað tap sem ekki tilheyrir framleiðslutapi, tapaðrar þjónustu eða efnahagstaps. Þessar þrengingar á ábyrgð Linde Gas eiga ekki við ef skaðinn orsakast af vítaverðri vanrækslu.
17. Uppsögn samnings
Hvor aðili getur sagt upp samningi þessum ef samningsaðili vanrækir skyldur sínar samkvæmt samningnum og bætir ekki úr vanhöldum innan þrjátíu (30) daga eftir að hafa fengið skriflega kvörtun þar um.
18. Ýmislegt
Linde Gas áskilur sér rétt á að neita kaupanda um afhendingu samkvæmt samningi hafi kaupandi ekki öll nauðsynleg leyfi eða uppfyllir ekki allar öryggiskröfur yfirvalda og Linde Gas.
Hafi Linde Gas tekið að sér að tengja sín tæki við tæki kaupanda eða gasstöð hans, hefur Linde Gas rétt á að neita tengingu uppfylli gaskerfið ekki öll öryggisatriði sem yfirvöld og Linde Gas gera.
19. Trúnaðarupplýsingar
Linde Gas mun einungis nota persónuupplýsingar um kaupanda til uppfylla samning um sölu eða þjónustu, til skipulagningar út af samningi, til eftirlits með viðskiptavini, til reikningshalds og reikningsgerðar. Þegar kaupandi gefur upp persónuupplýsingar við gerð samnings m.a. kennitölu, samþykkir hann jafnframt að persónuupplýsingar um hann verði meðhöndlaðar innan Linde Gas eins og ofan greinir. Kaupandi hefur kröfu að fá upplýsingar hvernig er farið með upplýsingar um hann hjá Linde Gas. Kaupandi skal láta Linde Gas í té upplýsingar um breytingar á persónuupplýsingum sínum.
20. Ágreiningur
Rísi mál út af samningi hlutaðeigenda er hvorum aðila um sig heimilt að reka það fyrir Héraðsdómi Reykjavíkur án undangenginnar sáttameðferðar.
